شن محمد رضا "بوبو"، لاعب خط وسط الفريق الأول لكرة القدم بنادي بيراميدزهجوما عنيفا علي إدارة ناديه السابق " فيوتشر " بسبب عدم حصوله على مستحقاته المتأخرة.

ونشر "بوبو"، بوست عبر صفحته الرسمية على موقع التواصل الاجتماعي "فيس بوك" قال فيه : " خلاص مبقتش قادر أصبر أكتر من كده بصراحة، حتى لو العواقب كتير ولو هيحصل إيه، المهم اهدي النار اللي جوايا شويه عشان أكون حتى ارتحت من جوايا وكده كده ربنا موجود وهيجبلي حقي" مضيفا "أنا كنت خلصت وجالي اتصال تعالى ضروري النادي عشان تمضي الاستغناء بتاعك عشان خلاص انت مشيت قولت حاضر وركبت عربيتى وطلعت علي النادي".

وواصل : "الساعه 11 بليل الناس قبلتنى في النادي وقالولي عامل إيه يارضا عايزينك تمضي ورقتين ورقة مخالصة والاستغناء قولتلهم الاستغناء حاضر همضي مفيش مشكله امال إيه اللي يخليني امضي مخالصه وانا ليا4 مليون 200 الف جنيه، في واحد لاداعي لذكر اسمه لأنه ده ميعرفش ربنا طبعا قعد يكلمني ولازم تمضي ولازم تمضي اقوله ازاي ياكابتن امضي مخالصة وانا ليا فلوس قولت مش همضي ومشيت ومضيت علي الاستغناء جالي اتصال امضي وانت فلوسك عندي ومتقلقش امضي وانت وزملائك اللي ماشييين هنيجي ونسلم عليكم وتاخدو الشيك بالدولار زي باقي الفرقة ونشكركم اكيد يعني قال اه امضى بس اتفقت مع الاتنين الي كانو معايا عشان كنا متفقين اننا هنعمل كل حاجه بالإتفاق مع بعض فقالوا هنضمي كلنا ونروح التلات ناخد الفلوس مضينا علي الورقه ومكناش مدين اي خوانه لحاجه جه يوم التلات لقينا اللعيبه كلها صحبنا اللي في الفرقه طلعلهم فلوس وكل واحد شيك ماعدا احنا التلاته والتلاته المعاريين اللي مشيو من النادي".

وأضاف: "اتصلت بالشخص ده قولتلوا الشيك بتاعنا امتى قالي بليل فيي ناس الصبح وف ناس بليل وانت بليل قولتلوا ماشي جه بليل كلمتو قالي الصبح فضلت علي الحال ده كل يوم يوم يقولنا التلات الجاي ييجي التلات يقول الاسبوع الجاي ييجي الاسبوع الجاي يتقال بكره كمان يومين علي الحال ده في حد مشكور طبعا بدون ذكر اسمه قالي انا بحبك وانت اخويا الصغير لو انت مفكر انك طلعلك فلوس يبقى بتحلم مصدقتيش وقولت لا اكيد الفلوس هتطلع الناس كلموني وقالولنا الفلوس عندنا وانا مصدقهم ومعايا بس من الواضح ان مفيش فلوس جايه ولا اي حاجه".

وواصل: "علي العموم حسبي الله ونعم الوكيل في كل واحد أكل حقي وتعبي اللي شقيت فيه سنتين تعبت وسفر هنا ولعبنا افريقيا وخدنا بطوله وطلعنا مركز رابع سنتين يعني الحمدالله مقصرتيش ف حاجه بس فكرت ان حد ياكل حقك ف دي صعبه عليا اوي وانا زعلان لان مشفتيش التقدير انا. اتبعت انا وصحابي وحلينا ازمه للنادي برقم كبير يعني انا ممشيتش ببلاش ولا مكنتش بلعب ولا مكنتش مساهم ف ده كله عشان تاكل حقي بلطريقه دي انا عارف الكلام ده هيضايق ناس بس دي الحقيقة انا ليا حق وعلي حق وانا عمري ماكنت بخاف من اي حاجه. بس ازاي بتعرف تنام تحط دماغك علي المخده وانت اكل حق وشقي واحد طلع عينه عشان يجمع رقم ذي ده وانت عايز تاكلوا عليه بكل سهوله كده انا مكلمتيش حد من الصحافييين صحابي واللي اعرفهم انهم ينزل الكلام علي لساني انا حقي عند ربنا وربنا هيجبهولي اضعاف وانا متاكد لاني مقصرتيش ف حاجه وربنا يعلم كده انا من جوايا ارتحت

• قرأة المزيد